Axóuxere de maio trata de espertar sentimentos e emocións evocando imaxes e querendo transmitir mensaxes nunha linguaxe máxica de verbas sinxelas e contidos profundos, con musicalidade e emoción. Busca a esencia, o concepto de poesía que vai máis aló da forma para centrarse no fondo, onde cada verso pode querer dicir cousas diferentes para cada persoa a pesares de ter significados inequívocos.
Carmen Martínez Purriños (A Coruña, 1978) estudou na Facultade de Ciencias da Educación da súa cidade natal. Exerceu como mestra de Educación Infantil e Primaria en diversos colexios públicos dende o ano 2002 e na actualidade continúa traballando como mestra nun centro educativo da cidade de A Coruña. Escribiu e publicou A Rosa dos ventos (2019) e Axóuxere de maio (2020). Socia da AELG – Asociacoión de Escritores/as en Lingua Galega.
